Gisaway ug giisip nga dakong babag sa industriya sa paglayag ang kasabutan sa Iran ug Oman nga maghatag og gahum sa Tehran nga makakontrol sa Strait of Hormuz.
Subay sa pahayag sa upat ka tinubdan sa maong industriya, lisud matuman ang gipangayong 5 hangtod 7 porsyento nga bayronon sa Iran tungod sa mga sanksyon gikan sa US Treasury.
Gitin-aw usab nga ang bisan unsang pagbayad og transit fee o bayad sa dalan mahimong hinungdan nga mawad-an og insurance o seguro ang mga barko gikan sa Lloyd’s Market Association.
Tungod sa maong peligro sa pagkawala sa seguro, naipit sa lisud nga kahimtang ang mga kumpanya sa barko samtang padayon nga gipangitaan og solusyon ang maong krisis
Source: Reuters
