Mipahigayon og Kasalan sa Piitan 2026 ang Cagayan de Oro City Jail Male Dormitory isip kabahin sa ilang programa alang sa mga person deprived of liberty sa maong dormitoryo.
Namahayag sa Bombo Radyo si Jail Inspector Kriza Jane Bermudo, community relations service section chief sa Cagayan de Oro City Jail Male Dormitory, nga tumong sa kalihokan ang pagpalig-on sa pamilya ug paghatag og ikaduhang higayon sa mga PDL.
Sumala kang Bermudo, gilangkoban sa kalihokan ang 31 ka pares sa magtiayon nga gikasal sulod sa prisohan.Gipadayag usab niya nga unom sa mga asawa sa mga PDL sa male dormitory ang gikan sa female dormitory.
Hisayran nga ika-unom na nga batch sa mga nakasal sa prisohan ang nahitabo karong tuiga.
Dugang pa ni Bermudo, misaka na sa 83 ka magtiayon ang gikasal sulod sa prisohan sukad gisugdan ang maong tradisyon sa Cagayan de Oro City Jail matag bulan sa Pebrero
