Ang Valentine’s Day adunay gigikanan sa tulo ka giila nga martir sa Simbahang Katolika nga pawang ginganlan og Saint Valentine, apan ang labing nailhan mao ang Saint Valentine sa Roma nga namartir sa ika-3 nga siglo.Ang Pebrero 14 gideklarar isip adlaw sa pagpasidungog kang Saint Valentine pinaagi ni Pope Gelasius I niadtong 496 AD, bisan wala klaro kung hain sa tulo ang eksaktong gihisgutan.Sumala ni Brother Cleb Calimutan, presidente sa Confraternity of the New Apologetics, base sa pagtuon sa mga scholars, ang Roma kaniadto nag-obserbar sa Lupercalia Festival matag bulan sa Pebrero nga giila isip bulan sa fertility ug panglawas.Matod pa, nahimong sentro sa maong bulan ang mga ritwal ug sexual activities nga gisudlan sa relihiyosong kahulugan sa karaang Roma.Aron mausab ang maong praktis, gi-abolish kini ni Pope Gelasius I ug gipulihan ang Pebrero 14 sa pagpasidungog kang Saint Valentine ug sa paghinumdom sa Purification of the Blessed Virgin Mary.Sa paglabay sa panahon, ang relihiyosong diwa niini nahimong sekular ug karon gi-obserbar sa daghang nasod sa kalibutan isip adlaw sa gugma.
