Gitin-aw ni Coach Martin Laurel nga ang kasaysayan sa football nagsugod pa niadtong tuig 1600 sa China diin gigamit sa mga sundalo ang bola nga hinimo sa kawayan.
Hinuon, sa paglabay sa panahon, ang maong dula hingpit nga naugmad ug nahimong sikat sa nasod sa Great Britain. Ilabi na nga nahimong sentro sa panaghiusa sa mga nasod ang FIFA, nga sa karon mas daghan pa og miyembro kumpara sa United Nations.
Bisan pa man niini, gipaambit ni Coach Laurel nga nagpabiling dakong isyu ang partisipasyon sa Iran sa umaabot nga World Cup 2026 tungod sa mga restriksyon sa pagpasulod niini sa Amerika.
Sa laing bahin, gihatagan og importansya sa maong coach nga ang maong torneyo nagpabiling usa ka dakong plataporma aron makita ang paghiusa sa nagkadaiyang mga nasod pinaagi sa dula.
