CAGAYAN DE ORO CITY-Nasibog ang wedding schedule sa maghigugmaay nga ipahigayon unta sa Iligan City.
Kini human na-trap ang maestra nga si Stephanie Villaroza dihang naatol ang pag-atake sa grupong Maute sa Marawi City sa miaging semana.
Namahayag si Villaroza nga igo ra unta kini maghatod sa imbetasyon sa mga kaila sa Marawi City dihang nangatake ang mga terorista.
Nakadagan kini sa Dansalan Foundation College kuyog ang laing mga magtutudlo hinungdan nga sila nakatago sulod sa underground sa 11 ka adlaw ug gabii.
Hinoon,naluwas silang tanang 38 ka sibilyan dihang nangisog pagtabok sa tulay bisan nga may mga terorista nga nagbantay kagahapong adlawa.
