CAGAYAN DE ORO CITY-Mag-atubang sa kasong illegal possession of firearms ang tulo ka aktibong sakop ug laing usa ka dismissed member sa PDEA-10 sa mini-cell sa Bulua Police Station ning syudad.
Si COCPO spokesperson Supt Mardi Hortillosa miingon nga kasuhan nila sa piskalya ang mga suspek nga sila si PDEA members Ramil Salido; Jeffrey Tagungan; Marvin Banate ug Randy Dollente sunod semana.
Una nang miggawas ang report nga gipangbunala’g armas ang taxi drivers nga gikalalis sa usa sa mga ahente sa PDEA tungod sa away pamilya.
Kalit nasuko ang usa ka suspek ug milaban ang laing tulo ka kauban diin nga miresulta sa pagpabuto sa ilang mga armas.
Gibutyag ni Hortillosa nga boluntaryong gitahan sa PDEA members ang upat nila ka armas nga giggamit sa pagpabuto sa Brgy Pagatpat ning syudad.
Si Hortillosa miingon nga maoy gi-surrender sa upat ka suspek ang duha ka M4 nga armas ug duha ka .45 caliber pistol.
Kasamtangang detinado sa Maharlika Detention Center ang mga suspek.
