Mikunhod sa 15% ang kaso sa dengue sa syudad sa Cagayan de Oro.
Sa exclusive interview sa BOMBO RADYO kang Dr. Rachel Dilla, hepe sa City Health Office (CHO), siya miingon nga anaa lamang sa 312 ang kaso sukad Enero-1, hangtud Hunyo 5, ning tuiga.
Gikalipay usab sa ilang buhatan nga walay natalang patay o mortality gumikan sa dengue.
Taliwala sa pagkunhod sa kaso, padayong gi-awhag sa CHO ang tanan katawhan nga mag-igmant ug ipasulabi ang kamahinungdanon sa preventive measures, ilabe nga misulod na ang mga bulan sa ting-ulan.
Sa pagkutlo ning balita ang CHO mipakusog pa sa ilang Family Health Advocacy Campaign for Partners, kauban ang mga barangay health workers sa 80 ka barangay, aron mapalambo ang awareness sa dengue prevention ug uban pang sakit.
