Walay pag-undang ang pagdagsa sa mga pasyente nga napa-ilalom sa pagpang-atake sa demonyo sa dakbayan sa Cagayan de Oro.
Gibutyag ni Rev. Fr. Roberto “Jun” Balsamo Jr., Exorcist sa Archdiocese of Cagayan de Oro, nga sagad sa ilang gihawiran nga mga kaso karong panahona mao ang demonic oppression ug obsession nga kasagaran nagbiktima sa mga kabatan-onan o teenagers.
Gipasabot sa pari nga usa sa mga nag-unang hinungdan sa maong problema mao ang pagkawala sa ampo sulod sa pamilya, pagbiya sa kumpisal, immoral nga lifestyle, ug ang pagka-adik sa social media ug pornography sa mga batan-on.
Tungod niini, nanawagan ang exorcist sa mga ginikanan nga ibalik ang rosaryo kada gabii ug ang regular nga pagsimba aron dili mailog sa dautang espiritu ang ilang pamilya.
