CAGAYAN DE ORO CITY-Gipanghimakak sa lokal nga kagamhanan sa Iligan City ang report nga adunay sunod-sunod nga kidnapping incidents.
Kini may kalabutan sa miggawas nga report nga unom ka mga Maranao ang biktima sa kidnapping sa Iligan City ug dinhi sa syudad gabuhian.
Matud ni Iligan City Information Officer Joe Pantoja nga walay bisan usa nga record ang Iligan City Police Office nga adunay nahitabong kidnapping sa ilang area of responsibility.
Dako ang pagtoo sa lokal nga kagamhanan sa Iligan nga adunay personal nga atraso ang mga biktima sa giingong pagpangdagit.
Si Pantoja miingon nga batasan na sa mga igsoon natong Muslim nga dagiton ang ilang mga kaggupa aron istoryahon kabahin sa ilang problema.
Una nang miggawas ang report nga usa ka puti nga van ang giggamit ug gisakyan sa mga suspek sa pagsikop sa mga biktima.
