CAGAYAN DE ORO CITY – Kalmado ang sitwasyon sa Hongkong taliwala nga misaka pa sa tolo ang kumpirmadong nag-igo sa bag-ong klase sa corona virus.
Kini ang paghulagway sa usa ka usa ka pinay household helper nga nakabase sa sentrong bahin sa nasud sa Hongkong, human mikatag ang report sa Novel Corona Virus.
Namahayag si Bombo International Correspondent Nene Caras nga kanunay silang protektado sa ilang mga amo.
Gani, gidid-an siyang ipagawas ning panahuna, ug gihatagan pa sa face mask oras nga suguon kini nga mamerkado.
Hisayran nga tungod sa hadla sa maong bayrus, daw nawala na ang mga lihok protesta sa dalan sa Hongkong.
Si Ginang Caras, upat na katuig nga nagtrabaho sa Hongkong ug lumad kini nga taga Wao Lanao del Sur.
