CAGAYAN DE ORO CITY- Gimanduan karon ni acting Chief City Prosecutor Merlynn Uy si Prosecutor Jane Sabio nga dali-on ang pagresolbar sa kasong gipasaka batok sa pulis opisyal nga akusado pagkulata sa live-in partner niini diha sa Grand Europa,Brgy Lumbia sa syudad.
Kini human gihataga’g duha ka bulan ni Uy si Sabio nga dunggon ang kaso nga giatubang ni Sr/Insp Stephen Latar tungod sa reklamo sa iyang kaipong negosyante.
Si Latar ang gikasuhan sa pag-abuso sa kababayen-an nga makita sa Republic Act 9262.
Gi-relib na ni City Police Director Sr Supt Roy Bahian si Latar ug ubos sa holding and accounting office samtang dunggon ang iyang kaso sa piskalya.
Si Latar ang miembro sa Philippine National Police Academy diin kanhi nadestino isip deputy commander sa Carmen Police Station kasamtangang gi-detail sa City Public Safety Company ubos sa Cagayan de Oro City Police Office.
