(Update) CAGAYAN DE ORO CITY-Mapalig-on pa ang kaso nga ipasaka sa kapolisan batok 5 ka suspek pagdunggab ug paglugos-patay sa kolehiyala diha sa JR Borja- Capistrano Streets sa syudad.
Kini human molugwa na ang otopsiya aron masayran kon pila ka lalaki ang nakagamit sa biktima nga si Cherrymae Dayo sa dihang gilugos sa mga suspek sulod sa pinuy-anang gisak-an niini sa maong lugar.
Gibutyag ni Divisoria Police Station commander Sr Insp Maricris Mulat nga kumpleto na ang mga dokumento aron kasuhan sa rape with homicide ang mga suspek nga naglakip kang Warren Amarga nga nagpuyo sa Brgy Bulua apan lumad taga-Opol,Misamis Oriental.
Samtang nangayo’g pasaylo ug giingong nagbasol na ang usa sa 5 ka suspek nga mipatay sa tinun-an nga babaye pinaagi pagdunggab diha sa JR Borja-Capistrano Streets,Brgy 7 sa syudad sa miaging semana.
Giangkon sa Bombo Radyo sa suspek nga si Warren Amarga alyas Amang nga tiggamitan siya’g shabu sukad pa kaniadto.
Namugos si Amarga nga atol sa iyang pagdunggab-patay sa biktima nga si Doya ang wala siya makagamit sa droga apan nakainom lamang.
