CAGAYAN DE ORO CITY – Wala isalikway sa mga imbestigador ang mga anggulo nga hayan gi-ambush patay ang medical director sa dakong pribadong ospital tungod sa gilambigitan niining kaso nga miabot sa Court of Appeals;pagpapriso sa usa ka babaye nga naka-dispalko sa salapi,bangi sa yuta ingon man vehicular accident ug kabahin sa iyang trabaho.
Kini ang pinakabag-ong gitug-an sa Cagayan de Oro City Police Office nga ilang gipasuta sa mga imbestigador nunot sa kamatayon ni MRXUH medical director Dr Raul Winston Adtuan nga halos mag-semana na gikan sa iyang pag-ambush sa Brgy Nazareth sa dakbayan.
Miingon si COCPO spokesperson Maj Evan Viñas nga wala sila mo-pokus sa akusasyon sa dinakpan nga mga suspek nga kabahin sa babaye ang rason nganong gihinusan sa kinabuhi ang biktima.Una nang nasang-atan sa tulo ka kaso nga naglakip sa pagpatay ang mga suspek sa piskalya ning syudad.
Samtang gihulat na lang sa PNP ang commitment order gikan sa korte aron isaka na sa Lumbia City Jail ang upat sa lima ka dinakpang mga suspek pagpatay kang MRXUH medical director Dr Raul Winston Adtuan ning syudad.
Gikompirmar ni COCPO spokesperson Maj Evan Viñas nga napaubos na sa panel of prosecutors ang mga kaso nga giatubang nila ni Joel Nacua,Jojo Chavez ;Jomar Adlao ug Felipe Tinabnab kinsa nadakpan sa joint PNP operations samtang nagtago sa Misamis Oriental sa miaging semana.
Una nang gikasuhan sa murder ingon man illegal possession of firearm ug illegal possession of explosives ang mga suspek nga naglakip sa at large nga si kanhi army reserved Rene Tortusa.
