CAGAYAN DE ORO CITY – Ipasaka ang kasong arson batok sa kapin kon kulang 30 ka mga sakop sa gituohang teroristang New Peoples Army (NPA) nga misunog sa duha ka backhoe units sa Sumilao, Bukidnon sa milabay’ng adlaw.
Gibutyag ni PNP regional spokesperson Supt Lemuel Gonda nga gipanag-iyahan ni Leo Woo, usa ka korean businessman, ang nasampit nga luna nga gi-atake sa wala pa ilhing mga kalalakihan.
Wala pa tubaga sa negosyante kung pakyas nga pagbayad sa revolutionary tax ang ugat-hinungdan sa insidente. Midamyos ang sunog sa P1-M.
Gawas sa mga dagkong ekipo, may usa usab ka wala panganling pulis ang gikilkilan sa mga NPA sa Bukidnon.
Gibulgar ni Gonda nga kanunay magdawatan sa “extortion money” ang mga sakop sa NPA sa pulis aron dili sunugon ang iyang plantasyon sa kamaisan.
