Gihatagan og gibug-aton ni kanhi IBP Misor-CDO Chapter President Atty. Eddie Cuaresma ang importansya sa lig-ong ebidensya alang sa pagpasaka og mga kasong may kalabutan sa kurapsyon batok kang Pres. Bongbong Marcos, VP Sara Duterte, former house speaker Martin Romualdez, ug uban pa.
Gipasabot ni Cuaresma nga bisan tuod balido ang panawagan og pangutana sa katawhan kabahin sa selective justice sa pag-imbestiga, gihagit niya nga mahimong maisogon ang mga naglabay sa alegasyon batok sa mga nasampit nga opisyal ug ilatag ang mga ebidensya nga magdoot kanila.
Subay niini, gitin-aw sa abogado nga kon aduna gayuy mga dokumento o pruweba nga naglambigit kanila sa mga anomaliya sama sa flood control, angay lamang nga iduso ang pormal nga kaso aron makahukom ang korte sama sa Sandiganbayan.
