CAGAYAN DE ORO CITY-Gisaka na sa korte ang kasong gang rape batok sa upat ka menor de edad gikan sa Talisayan Misamis Oriental.
Base sa report, gipalugwa na sa hukmanan ang subpoena batok sa mga gitudlo nga mga responsable nga pulos magtutungha sa usa ka pribadong tunghaan sa sekondarya sa susamang lugar.
Gikompirmar ni Sr/Insp Maribeth Ramuga, hepe sa Talisayan Police Station ang pagpataral sa mga batan-ong suspek human nanumbong ang menor de-edad nga biktima.
Una niini, gi-angkon ni Misamis Oriental PNP spokesperson Capt Arlyne Ranario nga dunay pagsaka sa ihap sa kaso sa rape sa lalawigan.
Namugos si Ranario nga ang pagsaka sa kaso, wala nagpasabot nga wala nagpakabana ang kapolisan apan, mismo ang publiko ang mihatag sa lig-ong pagsalig sa mga otoridad aron ipadayag ang ilang mga reklamo.
