Nasumhan na ang katawhan sa mga politikanhong dinastiya sa pamilyang Marcos ug Duterte nga wala nagdala og kaayohan sa nasod, sumala ni Wilson C. Amad, usa ka IP Rights Defender.
Butyag niya nga angay gayod manubag kining duha ka pamilya sa ilang mga tulubagon sa balaod.
Dugang pa niya, dili na angay isalig ang kaugmaon sa nasod ngadto sa mga adunahan tungod kay napamatud-an na sa kasaysayan ang kadako sa kadaot nga ilang nahimo.
Hinuon, naglaom siya nga sa 2028 election, motumaw ang mga bag-ong lider nga nagkahiusa ug may maayong prinsipyo nga tinuoray gayod nga nag-alagad sa mga kabos ug ordinaryong pamilya.
