Gipalig-on sa mga otoridad sa Nigeria ang health screening ug monitoring sa mga pasahero nga moabot sa Murtala Muhammed International Airport human makumpirma sa nasud ang unang kaso sa Ebola, human milabay ang kapin usa ka dekada.
Ang pasyente usa ka babaye nga miabot sa Abuja gikan sa Uganda ug nakumpirmang positibo sa Bundibugyo Ebola virus niadtong Oktubre 20, samtang gi-isolate siya ug padayon nga ginatambalan.
Sumala sa mga otoridad sa panglawas, 44 ka close contacts na ang ilang naila ug gibutang ubos sa pagmonitor aron mapugngan ang dugang nga pagkaylap sa sakit.
Nagpadayon usab ang contact tracing ug gipataas ang infection prevention measures sa ospital diin unang natambalan ang pasyente, uban sa suporta sa World Health Organization (WHO).
Bisan sa bag-ong kaso, wala magrekomenda ang WHO og travel o trade restrictions batok sa Nigeria ug gidasig hinuon ang mga nasud nga magpabiling andam ug magpalig-on sa disease surveillance.
