CAGAYAN DE ORO CITY-Gikoronahan isip reigning 2017 Ms Cagayan de Oro ang candidate no.7 nga si Katrian Laurice Acaylar nga residente sa Brgy Balulang ning syudad.
Kini atol sa Ms CdeO coronation night diin gipildi ni Acaylar ang laing 11 ka kandidata atol sa question and answer portion sa indigay sa Atrium,Limketkai Mall ning syudad.
Nahimong common question sa top 5 candidate ang kabahin sa nag-una nga suliran nga giatubang sa kalibutan ning panahona diin si Acaylar mihatag usab sa iyang tubag nga mas kumbinsido alang sa mga hurado.
Kabahin sa tubag ni Acaylar ang hisgutanan sa terorismo nga nakahatag na’g grabeng kadaot sa kinabuhi sa tawo sama sa nahitabo sa Marawi City.
Si Acaylar mihakot usab sa 16 ka special awards itandi sa ubang kandidata sa maong indigay.
Kabahin sa mga award nga nakuha ni Acaylar ang Ms Fatrol;Best in Swimwear;Best in Casual Wear; Azpired; Ambassadress; Ms Sanctuary Wellness & Spa;Ms Deo Gold Jewels;Ms Augustus Perfume;Ms Ororama;Ms 2Go Travel;Ms Mags;Ms Gaisano;Ms Marianne Suites;Ms Kotex; Ms Camella Homes; Ms Holcim Philippines ug Ms PAL.
Samtang,nagsilbing 1st runner up si candidate no.8 Eliza Margaret Bacareza;2nd runner up si candidate no.10 Jaymee Hana Padilla;3rd runner up si candidate no.3 Alexa Patriana ug 4th runner up si candidate no.5 Marianne Grace Serenuela.
Gihulipan ni Acaylar si Shirlyn Doloriel nga nagsilbi usab nga Ms CdeO 2016.
Hisayrang nahimong chairman of the board of judges si 2011 Ms Universe 3rd runner up Shamcey Supsup-Lim samtang miembro sila si stylist and makeup artist Fanny Serrano;Albert Andrada nga gown designer sa blue gown ni 2015 Ms Universe Pia Wurtzbach ug stylist James Cooper nga nangutana ngadto sa mga kandidata.
