CAGAYAN DE ORO CITY – Mihimo’g katiguman ang grupong Nagpakabanang Nagkatigom Northern Mindanao sa Gaston Park ning syudad.
Namahayag si Nagpakabanang Nagkatigom Northern Mindanao co-convenor Tess Padla nga katuyuan niini nga ipadayon ang ilang pagpakabana kabahin sa nagka-gidlay nga pagdumala sa nasud ubos sa Marcos administration.
Siya miingon nga apil sa ilang batukan ang katukuran sa naval base sulod sa Phividec sa Tagoloan,Misamis Oriental ug EDCA site sa Lumbia ning dakbayan.
Siya miingon nga gamay’ng grupo lamang sila apan importante kanila nga adunay gihimo kabahin sa dili na maayong mga hitabo sa nasud.
Sa miaging semana, miduaw si Defense Secretary Gilberto Teodoro Jr sa Cagayan de Oro kay gisusi ang mga pasilidad nga kanhi Lumbia airport nga himoon nang headquarters sa 15th Strike Wing sa Philippine Air Force.
Nasulti usab niini ang plano pagtukod sa naval base sa Philippine Navy sa Phividec Industrial Authority sa Tagoloan,Misamis Oriental.
