Out of context”. Kini ang pagtin-aw ni Atty Nicholas Kaufman sa gipatumang Oplan Tokhang sa Philippine National Police (PNP) ubos sa liderato ni kanhi PNP Chief Ronald “Bato” dela Rosa.
Gitin-aw ni Kaufman nga sayop ang pagpresentar sa prosekusyon sa matood nga pagsabot sa kampanya kay alang kanila, ila kining gibansagan nga “criminal modus operandi.”
Gipresentar sa depensa ang interview sa media kang dela Rosa ug mitin-aw nga legal ang ilang aksyon ug wala magtumong sa pagpatay sa mga gagamit sa ilegal nga druga
Aron supakon ang pahayag sa mga abogado sa mga biktima, gibulgar ni Kaufman nga wala gi-apil pagbasa sa prosekusyon ang command circular-16 nga sinulat ug direktiba ni kanhi Presidente Rodrigo Duterte nga ang target nila operasyon sa war on drugs mao ang mga High Valued Individuals.
Gipamugos ni Kaufman nga kini nga direktiba maoy gitaguan sa prosekusyon aron mugawas nga motibo nga planado ug kriminal ang kampanya ni Duterte, kauban ang iyang mga co-perpetrators
