Pwerteng pagkadismaya sa labor sector batok sa pamunoan human nga wala gyud nahisgutan sa miaging State of the Nation Address ang mga bug-at nga suliran nga giatubang sa labing kabos nga kapin sa 350,000 ka pamilya sa mga mangingisda sa nasod.
Sumala ni SENTRO Secretary General Joshua Mata, makaalarma ang katingalahang kahilom sa pangulo taliwala sa peligroso nga desisyon sa korte nga nagtugot na sa dagkong commercial fishing vessels nga makapanagat sulod sa municipal waters.
Samtang padayong gisaulog sa kagamhanan ang kalamboan sa nasod, subando nga nagpasidaan ang pederasyon nga anaa na sa kapin 88 porsyento sa fish stock sa Pilipinas ang hapit na mapudpod tungod sa overfishing kon walay daling aksyon nga buhaton.
Busa nanawagan ang grupo sa administrasyon nga tagaan og seryosong pagtagad ug panalipdan ang panginabuhian sa gagmayng mangingisda una pa maigo sa hingpit nga krisis ang kadagatan sa nasod.
