Gikasubo sa pundok sa SENTRO ang gipakita nga kawalay impartiality o pagpanig sa pipila ka senator-judges kay Vice President Sara Duterte sa iyang impeachment trial.
Gani, gisaway sa kalihim sa grupo nga si Joshua Mata ang mga senador nga murag mga abogado sa Bise Presidente kung mangutana.
Gipunting usab niini kung unsa ka importante kanila ang pagbaton og accountability sa bisan kinsang opisyal nga giakusahan sa ilang sayop nga buhat.
Tungod niini, iyang gikompara ang maong proseso sa sitwasyon sa ordinaryong mga mamumuo nga dali rang masilotan o matangtang sa trabaho sa matag infraction o kalapasan nga mahimo sa kompanya.
Hinuon, nagpabilin ang iyang paglaom nga matngonan ug masubay gyud sa mga Pilipino ang tinuod nga mga detalye sa maong kontrobersiya.
