Posibleng kabahin sa usa ka organized crime group ang mga notoryos nga kawatan sa kable sa kuryente nga naghasol sa dakbayan.
Kini ang inisyal nga impormasyon nga nakolekta ni Konsehal Roger Abaday, human mismo ang iyang tugkaran gisulayan sa pagputol sa kuryente sa grupo sa mga lalaki nga giingong hanas na sa paghimo sa krimen.
Base sa CCTV footage gikan sa balay sa konsehal, nakit-an ang ilang get-away vehicle nga usa ka orange nga pick-up truck.
Klaro usab nga nahagpat sa kamera ang ilang mga nawong, ug kini gipasa na sa mga otoridad alang sa mas lawom nga imbestigasyon. Kagahapon, padayon ang trabaho sa CEPALCO aron ma-ayo ang mga apektadong linya sa Kauswagan ug sa NHA Area. S
i Abaday mi-ingon nga halos tibuok syudad na ang nabiktima sa kawat sa kable, nga nagdala sa dagkong kadaot ug kalisod sa mga residente.
