Gitapok sa Cagayan de Oro City Police Office (COCPO) ang mga nanag-iya ug nagdumala sa mga dagkung patigayon ning syudad, aron pasidad-an sa mga dagkung krimen nga sagad mahitabo sa holiday season.
Miingon si COCPO spokesperson Police Captain Emilita Simon nga mihatag sa briefing ang mga kapulisan sa mga supervisors, managers ug tag-iya sa mga tindahan batok sa pag-atake sa mga kawatan nga musakay sa panon sa mga kostumer.
Nagpadumdum ang kapulisan nga kung mahimo magbutang sa sekyu sa matag patigayon, ug CCTV camera.
Gawas niini, kung adunay pagpanglungkab o kagubot nga mahitabo sulod sa mga patigayon, gusto masayran sa kapulisan ang tanan detalye aron paspas nga masulbad ang krimen.
