Desidido ang Cagayan Electric Power and Light Company, Inc. (CEPALCO) nga kasuhan aron mapriso ang gitoohang organized group nga responsable sa sunod-sunod nga pagpangawat sa kable sa kuryente sa dakbayan.
Pasidaann kini Marilyn Chavez, Vice President sa CEPALCO, sa interbyu sa Bombo Radyo.
Gibutyag ni Chavez nga nagpadayon ang hugot nga monitoring sa ilang kompanya samtang nagtinabangay sila sa kapulisan alang sa mas lawom nga imbestigasyon.
Dugang pa niini nga naglaraw ang CEPALCO nga hangyoon ang mga barangay police sa nagkalain-laing lugar nga magbantay sa mga poste sa kuryente, aron malikayan nga masubli ang insidente sama sa nahitabo sa Brgy. Kauswagan ug Brgy. Balulang.
Dugtong niini, nanawagan ang CEPALCO sa tanan nakaila sa mga lalaki nga nakuha’g video sa CCTV Camera sa balay ni Konsehal Roger Abaday.
Ila usab gihangyo ang mga tagbalay nga adunay gi-ugbukan nga poste sa CEPALCO nga magmabinantayon kay daghan ang mahasol niini ilabe na nga duol na ang selebrasyon sa Pasko.
