CAGAYAN DE ORO CITY – Gilauman ang 2nd round faceoff sa puwersa ug makinarya tali incumbent Cagayan de Oro 1s District Cong. Lordan Suan ug Carmen Punong Brgy Kikang Uy sa 2025 elections sa distrito uno sa syudad.
Kini human kompirmaha ni City Mayor Rolando Uy atol sa school building turn-over sa Brgy Pigsag-an nga modagan pagbalik ang iyang anak batok kang Suan.
Namahayag ang mayor nga anaa na usab sa 15 ka aplikante nga gusto mahimong kandidato pagka-kagawad ang nagpadayag sa interes mokuyog sa lineup sa district 1.Lawom ang raybal sa politika sa maong pamilya kay unang gipildi ni Carmen Barangay Kagawad Lorna Uy ang inahan ni Suan nga si Girlie Gualberto Suan.
Nagka-engkuwentro sa 2022 elections pagka-kongresista si Lordan ug Kikang.
Samtang giparot usab ni Kikang pagka-kapitan sa 2024 barangay elections ang amahan ni Lordan nga si Agapiton Suan Jr taliwala sa lig-ong pagpaluyo sa dagkong mga politiko dinhi sa syudad ug lalawigan.
