Mibusikad ug kamulo pa’g pagawas ang lava sa baba sa Kilauea volcano sa Hawaii Volcanoes National Park.
Ang lava misirit gikan sa summit crater hangtod sa 100 metros ang kataas.
Kini ang ika-32 nga higayon sukad nagsugod ang kasamtangang eruption niadtong Disyembre 2024, ug ang lava gikan sa Halemaʻumaʻu Crater nag-awas sa tulo ka mga direksyon, sa north, south, ug tunga-tunga nga bahin.
Bisan pa sa kusog nga lava fountain, wala kini naghulga sa mga balay o komunidad kay confined ra kini sulod sa crater.
Ang mga bisita sa parke makatan-aw sa aktwal nga eruption, samtang ang uban makasubay sa livestream nga gi-set up sa U.S. Geological Survey.
Ang bulkan nagpabilin sa Orange Alert Level, nga nagpasabot nga aktibo kini apan limitado ang peligro.
