Subling mibusikad ang Kīlauea volcano sa Hawaii.
Segun sa US Geological Survey, ang pagbusikad nasugdan sa daghang mga paglinog, ayha mikawas ang gabula-bula nga lava sa baba sa bulkan, sukad kaganinang kadlawon.
Ang lava fountain misaka pa sa 150 hangtud 300 ka tiil.
Bisan pa sa kusog nga lava flow ug taas nga gas emissions, ang kalihokan nagpabiling confined sulod sa Hawaii Volcanoes National Park ug wala’y na-report nga kadaut o kasamok sa mga komersyal nga tugpahanan.
Nasaksihan sa mga residente ug turista ang kahayag ug kakusog sa pagbusikad, apan gipasidaan sa mga otoridad nga magbantay batok sa volcanic gases ug mga debris nga mahimong moabot sa Highway 11 depende sa hangin.
