Nasubo ang global music industry sa pagpanaw na Grammy winning soul singer Roberta Flack sa edad 88.N
amahayag ang iyang publicist nga si Elaine Schock nga mi-grabe ang sakit ni Roberta nga AMYOTROPIC LATERAL SCELORIS o ALS.
Nagbaton si Flack sa 14 ka Grammy nominations ug lima niini ang iyang nadag-an.
Unang kanta sa sikat nga si Roberta ang First Take nga gisundan sa iyang kaugalingong bersyon sa The First Time Ever I Saw Your Face nga gigamit pa sa pelikula ni Clint Eastwood.
Gani, ang maong kanta ang nagpabilin sa unom ka semana sa Billboard Hot 100 ug misakmit pa sa Record of the Year sa 1973 Grammy Awards.
Sa susamang tuig,hingpit gilugwa niini ang iyang kanta nga ‘Killing Me Softly’ diin nagpabilin sa lima ka semana sa Billboard Chart.
Misakmit usab kini sa duha ka Grammy awards sa tuig 1974 isip Record of the Year ug Best Pop Vocal Performance by female artist.
Si Roberta ang gihimugso sa Black Mountain,North Carolina apan nagdako sa Arlington, Virginia diin sa edad 9 nag-eskuwela kini sa classical music training ug mikat-on sa pagtugtog sa piano.
