Gisaway sa grupong Kilusang Mayo Uno (KMU) ang administrasyon Marcos tungod sa mga dili matod pa makatarungan nga mga lakang sa paggobyerno niini karong panahona nga nag-atubang sa krisis ang nasud.
Namahayag si Jerome Adonis, chairperson sa maong grupo, sa Bombo Radyo nga dili makatao ug dili makamanggagawa ang mga lakang sa gobyerno.
Matud pa niya, tungod sa maong sitwasyon, dili malikayan sa grupo nga mangutana: kung ang hisgutan mao ang pagpakasarap, dayon-dayon kini sa gobyerno; apan kung ang hisgutan mao ang kalisod, ipunting dayon kini sa mga mamumuo ug mga ordinaryong Pilipino.
Para sa KMU, dili makatarungan nga ang mga mamumuo ug normal nga Pilipino ang magpas-an sa problema nga epekto sa gubat sa Middle East, tungod kay dugay nang nagpas-an sa daghang problema ang mga trabahante.
Dismayado ang grupo tungod kay migula nga nag-itoy-itoy lamang ang presidente sa mga langyaw ug gipang-interesan pa ang nahitabo nga krisis kaysa unahon ang kahimtang sa nagkalisod nga mga sektor karong panahona.
