Walay luna sa usa ka pwesto sa gobyerno ang usa ka politiko nga agresibo og kayang mubuhat og kapintasan.
Gipadayag ni Andre Josol, ang Chairman sa Liberal Youth Northern Mindanao, nga dili gayod angayan ang gipakita nga kinaiya ni Bise Presidente Sara Duterte nga manghulga ug modangat sa pagpanghulga og kamatayon.
Subay sa iyang pahayag, kon ang usa ka ordinaryong tawo mahimong mapriso sa pagpanghulga, mas labaw nga angay usab kini nga mahitabo sa usa ka opisyal sa gobyerno tungod kay ang paggamit og pinulongan sa kapintasan batok sa mga kaubang opisyal ug sa Presidente usa ka pag-atake sa kalig-on sa nasod.
Hinuon, gipunting ni Josol nga kon aduna may mga reklamo o grievances ang bise presidente batok sa pangulo, angay kini ipaagi sa tarong ug malinawon nga proseso aron mapakita nga ang nasod usa ka dapit nga dungganan ug dili puno sa kabangis.
