CAGAYAN DE ORO CITY – Naharang sa checkpoint operation sa kapolisan ang 229 ka reams sa smuggled cigarettes nga gisakay sa luggage compartment sa bus Brgy Liloan,Bonifacio,Misamis Occidental.
Gibutyag ni Police Regional Office 10 spokesperson Major Joann Navarro nga maoy nakaharang sa maong kontrabado ang mga personahe sa 1st Platoon Base-Regional Border Control Point, 1002nd Maneuver Company,Regional Mobile Force Battalion 10 kuyog sa Bonifacio Municipal Police Station ubos sa Misamis Occidental Police Provincial Office dihang miagi ang bus sa maong lugar.
Gibutyag ni Navarro nga gimando niini ang susbob nga imbestigasyon aron ilhon ang utok sa pagpalusot sa maong kontrabando nga giingong gikan sa Brgy Diplo,Molave, Zamboanga del Sur ug tuyo nga ibaligya sa syudad sa Tangub ug kasikbit nga lugar sa Misamis Occidental.
Nasuta sa imbestigasyon nga walay direktang tag-iya nga nakasakay sa bus kay walay nasapon nga pasahero sa pagsusi sa mga otoridad sulod sa bus.
Sa pagkakaron,gitugyan na sa PNP ang mga nabawi nga sigarilyo nga balor 183-mil 200 pesos ngadto sa Bureau of Customs o BoC.
