Wala pay komento si King Charles III sa gipahungaw nga impormasyon sa United States Justice Department nga ang iyang igsoong kamanghuran, si Andrew Mountbatten-Windsor, nasapon nga adunay binayluay sa emails, ug impormasyon kalabot sa trade ug komersyon ug kini gipadala kang Jeffrey Epstein niadtong 2010.
Nahitabo kining binayluay sa impormasyon samtang nagserbisyo siya isip trade envoy sa UK ang manghud sa hari.
Si Epstein, naila nga usa ka pinanser, ug kasamtangang nag-atubang sa daghang kaso sa sekswal nga krimen ug trafficking sa mga menor de edad.
Niadtong 2008, gi-convict ang negosyante sa Florida sa pag-recruit ug pag-abuso sa mga batan-ong babaye, ug nakadawat sa plea deal human gisaway ang kahuyang sa mga ebidensya sa kaso.
Niadtong 2019, napasakahan siyag federal charges sa sex trafficking ug conspiracy, diin kasagaran sa mga nagfile s akaso nagpangidad sa 14 anyos pataas. Si Epstein namatay sa prisohan niadtong Agosto 2019 sa New York, human gi-report nga isya naghikog.
Tungod sa relasyon nila Epstein ug kanhi Prince Andrew, nakakuhag kinig daghang kritisismo nga mi-apektar sa monarkiya sa Englatera.
Si Andrew sa iyang kabahin, padayong namugos nga wala siyay nahimong sayop ug wala silay business ug sosyal nga relasyon ni Epstein
