CAGAYAN DE ORO CITY – Nag-resulta sa surplus-collection sa Bureau of Customs Collection District 10 ang istrikto nga monitoring ug pagkulekta sa ensaktong duties ug buhis gikan sa mga importer nga gasulod dinhi sa Northern Mindanao.
Kini ang gitaho ni BoC District Collector Alexandra Lumontad kabahin sa ilang nakobra nga 3.8 bilyones pesos nga kinitaan sa milabay’ng Hunyo ning tuiga.
Namahayag si Lumontad nga mas taas kini itandi sa sobra 3.5 bilyones pesos nga June revenue target rason nga may P313,670,974.60 nga surplus collection.
Siya miingon nga tungod niini,naghupot na ang opisina sa kinitaan nga kapin P22-B sulod sa unom ka bulan ning tuiga ug taas sa January-June 2024 target collection nga sobra P19-B.
Hisayrang unang mitahas si Pres Bongbong Marcos nga ipalambo ang koleksyon sa ahensiya kay aron magamit sa mga proyektong imprastraktura ug ubang mga progama’g serbisyo sulod sa gobierno.
