CAGAYAN DE ORO CITY-Gilayong imbestigaran sa konseho kon may lehitimo nga reklamo ug mga ebedensiya nga magduot sa pipila ka city revenue tax collectors nga nakabase sa kamerkaduhan ug public terminals sa syudad.
Pasalig kini ni Majority Leader Kagawad Ian Mark Nacaya, chairman sa economic and enterprise committee ning syudad nga giawhag niini kadtong mga may kasayuran nga modangop kanila aron ma-imbestigaran ang kurapsyon sa kinitaan sa mga merkado ug terminals sa syudad.
Gihimo ni Nacaya ang pahayag dihang nasayran nga abnormal ang tax collections nga na-remit sa buhatan sa tresurero sa dakbayan kada-tuig.
