CAGAYAN DE ORO CITY, Philippines – Good news! Abante na sa top 20 ang representante sa Pilipinas alang sa Mr. World 2024 Competition didto sa Vietnam.
Kagahapon, nasakmit ni Kirk Bondad ang placement human iyang gisundayag ang national costume sa nasud, pinaagi sa gisul-ob nga Igorot Warrior Costume.
Gama ni Cordilleran designer Andrew Visaya Jr ang gigamit nga bestida sa Filipino-German candidate.
Segun sa mga pageant enthusiast, nahatagan sa hustisya ni Bondad ang National Costume sa nga gama sa world class pinoy designer.
Dili makompleto ang pagrampa ni Bondad kung wala ang head dress nga gidekorasyonan sa balahibo sa manok, agig simbolo sa korona sa Ginoo sa Bugas, dungan sa pagbitbit sa duha ka bukog sa apapangig gikan sa hayop nga tamaraw.
