CAGAYAN DE ORO CITY – Nakaduso na sa ilang kandidatura ang kuwalisyon sa ONE KAGAYAN,KAUBAN ANG KATAWHAN alang sa piliay sa syudad sunod tuig.
Nangulo sa certificate of candidacy filing sila incumbent City Mayor Rolando ‘Klarex’ Uy ug District 2 Cong. Rufus Rodriguez sa Comelec office ning dakbayan kagahapon sa buntag.
Ikasangka sa Klaru coalition ang alyansa ni kanhi City Mayor Oscar Moreno ug kanhi Konsehal Zaldy Ocon o Oc-Oc.
Miingon si Klarex nga sa ilang pagdason sa kandidatura,nagmatood kini nga siya ang gihatagan sa pagsalig ni Pres Bongbong Marcos nga dad-on ang Partido Federal ng Pilipinas sa dakbayan.
Una usab niini,gisulaya’g hangyo sa Malakanyang nga dili magkontra ang mga kandidato nga dunay alyansa sa partido sa kauluhan.
Apan gibarugan sa mayor nga labing maayo kon i-agi sa eleksyon aron mahatagan sa higayon ang katawhan sa ilang gusto magdumala sa dakbayan.
Hisayrang gawas kang Moreno ug Klarex, midagan usab isip independent mayoralty candidates sila kanhi Phividec administrator Pompee La Viña;kanhi Puntod Brgy Kapitan Marvin Beja;Vicente Flores ug Romer Cabildo.
