CAGAYAN DE ORO CITY – Hingpit nang deklarado isip re-elected winners sila City Mayor Rolando ‘Klarex’ Uy;City Vice Mayor Jocelyn Rodriguez;1st District Cong. Lordan Suan ug 2nd District Cong. Rufus Rodriguez sa May 12 elections ning syudad.
Kini human tagsa-tagsa gipang-proklama ni Commission on Elections District 2 Officer Atty.Ramil Acol ang maong mga opisyal atubangan sa ilang political supporters sa city board of canvassing venue sa city council ning syudad karong buntag.
Si Klarex nakakuha sa boto nga 175,686 batok kanila nila Pompee La Viña nga adunay 81,726;kanhi City Mayor Oscar Moreno nga mihupot sa 73,842 botos.
Sa pagkutlo ning balita, inisyal namahayag si Moreno nga dako ang iyang pagpasalamat sa supporta sa katawhan sa ilang grupo ug gihinaut nga magmalig-on sa kanunay.
Samtang si Pompee ang dili pa andam mohatag komento ug mas gipili nga mopahulay una gikan gikan sa grabeng kahago sa kampanya.
Nakakuha usab si VM Bebot sa 243,080 votes batok kang kanhi City Councilor Zaldy Ocon nga anaa sa 54,548 botos.
Sa pagka-kongresista, gideklara isip mamanaug si Suan sa iyang nakuha nga 88-mil 526 botos batok kang Carmen Punong Brgy Kikang Uy nga nagbaton sa 85,099 votes.
Si re-electionist Cong. Rufus ang naghawid sa iyang bag-ong boto nga mokabat sa 127, 646 kontra kang Bebs Lagrimas nga nakakuha sa 7,369 botos.
