CAGAYAN DE ORO CITY – Gisaad ni City Mayor Rolando ‘Klarex’ Uy nga mas ipalig-on pa ang mga programa ug batakang serbisyo ngadto sa katawhan.Kini human nahatagan sa ikaduhang higayon nga silbihan sa mayor ang katawhan sa dakbayan.
Gihimo ni Klarex ang saad nunot sa iyang pagka-proklama isip mananaug sa pagka-mayor batok sa laing upat ka political rivals.
Siya miingon nga kung unsa man ang paningkamot sa city govt sa miaging mga bulan,tinguhaon niini nga mas mapaduol pa’g maayu ang mga batakang serbisyo ngadto sa katawhan dakbayan.
Si Klarex ang nabulit sa mga isyu nga naglakip sa walay klaro nga pagdumala sa mga basura sa syudad,walay tambal ang city hospital,hugot nga trapiko ug ilegal nga droga.
Hisayrang nakakuha si Klarex sa winning votes nga 175,686 batok kanila nila Pompee La Viña nga adunay 81,726;kanhi City Mayor Oscar Moreno nga mihupot sa 73,842 botos.
