CAGAYAN DE ORO CITY – Kulang sa ‘media milage’ rason nga gibuhi pagbalik ang congressional inquiry kabahin sa misaka nga ihap sa mga bag-ong mga botante ning syudad.
Kini ang reaksyon sa kampo ni City Mayor Rolando ‘Klarex’ Uy kabahin sa pagpatawag kaniya sa kamarabaha sa maong isyu ugmang adlawa.
Apan miingon ang iyang tigpamaba nga si Janboy Actub nga dili makatambong ang mayor kay mas prioridad niya tutukan ang kasaulugan sa Chinese New Year dinhi sa dakbayan.
Miingon si Actub nga ang mga abogado sa city govt ang ilang ipatambong kay wala sila’y nakita nga bug-at nga rason aron mangunay pagpatim-aw ang mayor sa maong katiguman.
Hisayrang kung mahingpit nang mabasura ang disqualification case ni Kikang nga gipasaka sa Comelec,mahitabo ang rematch nila ni incumbent Cagayan de Oro 1st District Cong. Lordan Suan sa distrito uno nga dugay gihuptan ni Klarex ayha napiling mayor sa milabay’ng 2022 elections.
