CAGAYAN DE ORO CITY – Miprangka nang daan si City Mayor Klarex Uy nga daw dili nila tugtan sa pamilya nga mohupot sa katungdanan sa Association of Brgy Councils o ABC si Carmen Punong Brgy Kikang Uy.
Napukaw ang isyu kay gipalagpot sa pagka-bise presidentee sa ABC si Gusa Punong Brgy Marlo Tabac sa 64 kapitanes kay nahugon-hugon aron sayon ang pagsulod ni Kikang.
Siya miingon nga dili sila hakog sa gahom ug katungdanan kay igo na kanila maka-alagad sa katawhan.
Dugang sa mayor kung tinud-anay nga intresado sila nga huptan ang pagka-presidente sa ABC,sa panahon pa unta nga sila alyado pa ni kanhi City Mayor Oscar Moreno.
Una nang nahisgot ni Tabac nga gipapha kini sa iyang katungdanan sa ABC aron igo pagpabakante ni incumbent president Brgy 40 Kapitan Alam Lim sa Hunyo 30, si Kikang ang makapuli.
Hisayrang subay sa rule of sucession,si Tabac ang lehitimo nga sunod mangulo sa ABC apan gidali-dali na’g tangtang gamit ang nagkadaiyang pasangil aron ipatoo ang gitawag nga loss of trust and confidence.
