CAGAYAN DE ORO CITY – Wala matago ni City Mayor Klarex Uy ang pagkadismaya sa nahitabong komosyon tali sa mga magdudula sa Cagayan de Oro Higalas ug RAD CEBU sa Sinag Liga Asya sa USTP gymnasium ning syudad sa miaging semana.
Kini human angkona sa mayor nga nakahatag sa negatibong impresyon ang panag-initay sa duha ka team diin nagkapisikalan nga nag-resulta sa kontrobersya ug pagka-suspenso sa upat ka Higalas players ug laing usa gikan sa Rad Cebu.
Miingon si Klarex nga muna-muna nga paningkamot sa syudad nga makuha ang hosting sa international sporting event nga SLA apan nasagulan sa pagkainit sa ulo sa pipila ka mga magdudula.
Gihinaut sa alkalde nga unta dili na masubli ang maong ngil-ad nga talan-awon kay dayag kining makadaot sa maayong dungog isip syudad sa bulawanong panaghigalaay.
Dumduman nga natigayon ang komosyon sa nabiling 5 segundos sa fourth quarter sa dula diin abante ang Rad Cebu batok Higalas sa 67 batok 65.
Hisayrang ang SLA opening sa syudad, gitambungan sa Brgy Carmen Chairman Raineir Joaquin “Kikang” Uy ingon man nila SLA President Ray Alao, Chief Operating Officer Leo Isaac, Chairman Rocky Chan, Commissioner Rodney Santos, International Vice President Erick Quintana ug mga magdudulang-lokal ingon man Amerika,Canada ug United Arab Emirates.
