CAGAYAN DE ORO CITY – Dakong bakak ang mugna nga senaryo ni kanhi City Mayor Oscar Moreno kabahin sa katawhan nga gustong manimuyong malinawon sa Brgy Carmen ning syudad.
Kini ang kusganong pagpanghimakak ni City Mayor Rolando ‘Klarex’ Uy batok sa pasangil ni Moreno sa kalit pagdagsang sa mga botante nga gikan sa laing brgy apan gusto na magpasakop sa Carmen.
Miingon ang tigpamaba sa mayor nga si Janboy Actub nga wala kini nagsumikad sa panig sa city hall apan gidayeg nila ang Comelec nga gilayong mihimo’g aksyon niini.
Giaghat pa gani sa city hall ang Comelec nga susiho’g maayo aron mahatagan sa patas nga pagtagad ang libuang botante nga gusto nang mopuyo sa Brgy Carmen.
