CAGAYAN DE ORO CITY – Wala nagsumikad sa kasamtangang administrasyon apan sa panahon daw ni former City Mayor Oscar Moreno ang grabeng walay klaro nga pagdumala sa dakbayan.
Kini ang gipamugos ni City Mayor Rolando ‘Klarex’ Uy sa pasangil nga gipahid ni Moreno ngadto kaniya.
Miingon si Klarex nga dili angay tuhuan sa katawhan ang imbento nga isyu ni Moreno kontra kaniya.
Siya miingon nga kon tinud-anay nga nagkayagaw ang pagdumala sa dakbayan,wala unta’y makuha ang Seal of Good Local Governance o SGLG award gikan sa Department of Interior Local Government o DILG ang dakbayan sa miaging tuig 2023.
Namugos si Klarex nga nagmatood lamang kini nga nagtrabaho haom mandato sa balaod ang mga opisyal ug mga trabahante sa dakbayan alang sa katawhan.
