CAGAYAN DE ORO CITY – Gisaway ni kanhi City Mayor Oscar Moreno ang gilugwa nga memorandum ni City Mayor Rolando ‘Klarex’ Uy.
Kini may kalabutan sa pagpasidaan sa job orders ug contractuals nga kutob na lang sila sa Disyembre ning tuiga sa pagsilbi sa city govt.
Kini bisan nga adunay igong basehan ang memo sa mayor kabahin sa maong mga trabahante.
Miingon si Moreno nga klaro kini nga pagpamolitika ug dili serbisyo sa katawhan ang katuyuan.
Kini ang rason nga bagsak alang Moreno ang laing tuig nga paglingkod isip mayor ni ‘Klarex’ ning syudad.
Partikular nga gitumbok ni Moreno ang bureaucracy nga maoy nagpadagan sa dakbayan.
Dugang ni Moreno nga kanunay lang sentro sa kaugalingong interes ni Mayor Klarex apan napasagdan ang pinaka-rason sa iyang panglingko sa city hall.
Hisayrang ang duruha ka kanhi kaalyado sa politika ang magbangga sa 2025 elections sa dakbayan.
Sa pagkutlo ning balita, wala pa’y tubag o reaksyon ang kampo ni Klarex kabahin sa mga birada ni Moreno.
