CAGAYAN DE ORO CITY – Gipatukukan ni City Mayor Rolando ‘Klarex’ Uy ang isyu sa pagbaha sa uptown matag-bundak sa kusog sa pag-ulan.
Kini human dili tiaw’ng mga reklamo ang gipalanog sa katawhan ilabina sa mga motorista ug mga pasahero nga naghasol pag-ayo sa urban flooding nga miigo sa ibabaw nga bahin sa dakbayan epekto sa Intertropical Convergence Zone o ITCZ.
Namahayag si CDRRMD manager Nick Jabagat nga wala matago sa mayor ang maong suliran rason nga gipagtagbo ang mga hingtungdang buhatan sa city hall aron mapangitaan sulbad ang pagbaha sa matag-kusog ang bundak sa pag-ulan.
Siya miingon nga kasamtangang adunay gi-trabaho ang Department of Public Works and Highways o DPWH nga drainage system sa lugar.
Hisayrang salikwaot ang kahimtang sa maong bahin sa uptown kay naglaum ang katawhan nga namuyo nga dili na maabtan sa baha apan sukwahi sa aktuwal nga sitwasyon.
