CAGAYAN DE ORO CITY – Gisugdan na’g tubag sa city govt ang giingong pipila ka kasupakan nga nadiskobre sa Department of Environment and Natural Resources – Environment and Management Bureau o DENR-EMB 10 kabahin sa pagdumala sa tone-tonelada nga mga basura nga nakolekta sa JOMARA-TENCIL gikan sa kabarangayan ning syudad.
Kini human unang nadiskobre sa ahensiya nga wala makasubay ang Jomara sa kalagdaan nga maoy adunay kontrata sa pagdumala sa mga basura sa engineered sanitary landfill sa Brgy Pagalungan ning dakbayan.
Miingon si CLENRO manager Engr Armen Cuenca nga kompirmadong nakadawat sila sa komunikasyon rason gilayong gimando ni City Mayor Rolando ‘Klarex’ Uy ang pag-esplikar kabahin sa pipila ka isyu.
Ttipik sa nadiskobre ang pagyabo sa mga basura nga walay ‘liner’ ug ang pakyas pag-andar pa gihapon sa waste water plant sa andfill.
Hisayrang gipondohan sa syudad sa minilyong salapi ang pag-serbisyo sa Jomara nga maoy nagdumala sa landfill ingon man ang Tencil nga kolektor usab sa mga basura sa dakbayan.
