CAGAYAN DE ORO CITY – Gihimakak ni City Mayor Klarex Uy nga may kalabutan kini kung nganong napapha pagka-bise presidente sa Association of Brgy Councils o ABC-Cagayan de Oro si Gusa Punong Brgy Marlo Tabac ning syudad.
Kini human sampita ni Tabac nga daw gi-presyur sa mga Rodriguez si Klarex nga sipaon na kini sa katungdanan aron mabakanti na ang iyang posisyon sa dili pa ang Hunyo 30 ning tuiga.
Namahayag si Klarex nga dili daw kini manginlabot kung unsa man ang mga isyu ug mga kalihukan sulod sa Liga ng Brgy sa dakbayan.
Gani,wala pa sila magka-estorya ni Tabac kabahin sa maong isyu.
Kini ang rason nga nangutana ang mayor kung hingpit nang mihawa sa administrasyon o gisalikway na kini sa iyang kapartido.
Una niini,nasulti ni Tabac nga giprangkahan niya si ABC President Kapitan Alam Lim nga diretsuhon na kini ug dili na magliku-liko pa sa tuyo nga maoy gusto nila nga si Carmen Punong Brgy Kikang Uy ang ipuli kaniya rason nga gipapha siya sa katungdanan.
Dumduman nga si Klarex ang dugay na usab nga punong brgy sa Carmen ayha nahimong kongresista ug mayor sa dakbayan.
