CAGAYAN DE ORO CITY – Nagpakita lang sa kakulang sa kahibalo si City Mayor Rolando Uy sa gisudlang kontrata tali sa Cagayan de Oro Water District o COWD ug Cagayan de Oro Bulk Water Incorporated o COBI.
Kini ang tubag ni kanhi City Mayor Oscar Moreno sa pasangil ni Uy nga dunay siya’y kalabutan sa napirmahang kontrata sa duha ka panig.
Namahayag si Moreno nga pinili lang ang isulti sa mayor pag-abot sa maong isyu kay wala niini masabti ang katibuk-ang kalihukan sa maong kontrata.
Una niini,dili kumbinsido si Uy sa palusot ni Morneo nga wala siya’y kalabutan sa kontrobersyal nga 30 ka tuig nga kontrata tali COWD ug COBI.
Kini tungod kay dunay gahom si Moreno makasusi ilabina nga tinudlo niya ang kadaghanan sa naglangkob sa hunta direktiba sa pagka-porma sa maong kontrata.
Namugos si Uy nga dakong disbintaha ang kontrata rason nga angay usbon ang pipila ka probisyon kay dili siya uyon sa kada-tulo ka tuig nga otomatikong usbaw sa bayrunon.
